كنا في حوار مع الكاتبة الجميلة يارا ايهاب محمد
اليوم نسعي بكل شغف و تمييز اه نجري هذا الحوار مع الكاتبة الجميلة: يارا ايهاب محمد
عرفينا بنفسك في البداية «سنك،محافظة، سنة دراستك»؟
_محافظه الدقهليه
كليه حقوق جامعه المنصوره
سني :20
لقبك؟
_انا ماليش لقب لاني شايفه أن اسمي هو لقبي الحقيقي وشايفه ان اللقب مجرد اسم وهمي مخفي وراه شخص عظيم
لكن لما الناس هي اللي تحدد ليك لقب اعتقد وقتها ده النجاح اللي بجد
منذ متي بدأتي كتابة وكيف اكتشفتها؟
انا بدأت الكتابه وانا ف خامسه ابتدائي وكانت بالنسبالي شئ ترفيهي وكنت بكتب يومياتي كمان ولكن بعد كده الموضوع اتطور وبقي شغف واكتشفت أن الكتابه هي حياتي بجد
اكتشفت ف اعدادي كنت وقتها بكتب قصه قصيره وبدأت اعرضها علي زمايلي و أستاذتي ف المدرسه و لقيت ترحيب كبير جدا ودعم كمان وقتها عرفت اني عندي موهبه عظيمه محتاجه انميها واكبرها واتعب عليها لأنها تستاهل
شئ من موهبتك؟
_الإنسان
الإنسان هو أكبر عدو ل نفسه مش البشر اللي حوليه بل بالعكس الإنسان دايما بيستخدم البشر علي أنهم شماعه يعلق عليها عيوبه أو غلطاته بس لو هو رجع ل نفسه و فكر ب هدوء و بدأ ياخد هدنه مع نفسه ويسأل نفسه انا لي بعمل كده او المشكله فين ساعتها هيجي الف لي بعدها لحد ما يوصل ل طرف الخيط اللي هيكون عون ليه لانه يسترجع نفسه وبدل ما تكون نفسه عدوه ليه تصبح مركز قوه ودفعه ل قدام
Yara Ehab
ما هي انجازاتك؟
_عملت كتاب مشترك اسمه هدوء الليل وفي كتاب خواطر قريب إن شاء الله و كتبت مسرحيه
هل واجهتي صعوبات؟ وكيف تخطيتها؟
_مافيش حاجه بتحصل بتبقي سهله ابدا لازم أولها بيبقي في صعوبات بس انا مش بسميها صعوبه علي اد ما هي كانت تحدي بالنسبالي
كنت بسمع كتير جدا بطلي كتابه وتريقه وحجات كتير كده ولكن كنت بواجه ده لاني مؤمنه بالله بعمله
تخطيته ازاي كان ب مساعده اهلي ليا ودعمهم وإيمانهم وايماني ب موهبتي ودي كانت اهم حاجه
من هي الشخصية التي ساعدتك؟
_مامتي
من هو قدوتك في هذا المجال؟
_استاذ احمد مراد
استاذ وحيد حامد
استاذ مدحت العدل
ما اللون الادبي التي تنجذبي الية؟
_الكتابه الكلاسيكيه
هل الكتابة موهبة مكتسبة؟؟
_لا هي موهبه بتتولد مع الشخص و بتكتسبي خبرات مع تقدم العمر ومع السعي ولكن هو مش حد قرر يكتب فجاه لا طبعا
هل تظنِ ان بأستطاعة اي شخص ان يكتب؟
_اي حد ممكن يكتب وممكن يبقي فيلسوف كمان ولكن خيال الكاتب وإحساسه صعب حد يوصل ليه
ما هي خططك في المستقبل؟
_ان شاء الله اقدم مسلسل ف رمضان الجاي
هل تريد تقديم الشكر لاحدهم؟
_اهلي بلا استثناء اكيد لاني من غيرهم ومن غير دعمهم مكنتش هكون ف مكانتي دي
ما رأيك في الحوار؟
_فرحت بالحوار معاكي جدا واتشرفت بيكي
كلمة اخيرة لانهاء الحوار؟
_شكرا ليكي
وفي النهاية أتمني ان تكونوا قد سعدتم معانا في جريدة «قيس»
جريدة/قيس للنشر و التوزيع
مؤسسة الجريدة/جهاد محمود
المحررة الصحفية/منه الله عبد الرحمن
تعليقات
إرسال تعليق